الموضوعات الأكثر
ياناشدن والدمع ابلغ من الرد
في عين من تفضح دموعه خشيشه
جرح السنين اللي كبته تمرد
معاد تقواه الضلوع الهشيشه
أنا طوير من جموعه تفرد
السرب من خلفه توارى طشيشه
راعه غروب الشمس والليل ورد
والعش طارن العجاج بقشيشه
وامسى يتيم بعد م الجو برد
يضم حاله ويتزايد رعيشه
ما بين برق ورعد مدوي تجرد
حول عليه الديم بعلو ريشه
غرد حزن ماهو طرب يوم غرد
غرد على حلوه ومره وطيشه
دون السما من قلة الحيله انرد
والسيح دونه حيةً فالحشيشه
كسير جنحانٍ وحيدٍ مشرد
من عقب عشه لاجي ٍ بالدريشه
** **
- العنود السبيعية