على سكة المقبل وعلى سكة المقفين

أحث الخطى في هالزمن يوم ما ارتاحت

علشان وقتٍ ماضيٍ بالغلا للحين

به العود وارياح الرياحين لا فاحت

سقى الله ليالي ماضياتٍ بها سالين

ليالي بها أسرار العرب يوم ما انباحت

تفوح المشاعر في ضميري وفوحه شين

ترادم غيوم الهم بالصدر ما انزاحت

شفيقٍ على الماضي وعلى ناسه الوافين

شفيقٍ على بروق الزمن كل ما لاحت

أجاوب حمام الورق بالصوت والتلحين

ولا ألوم الحمامة يوم في صوتها ناحت

ثلاثين عامٍ ماضية مع ثمان سنين

لها في خيالي ذاكرة يوم ما راحت

أحفظ الغلا والود لربوعي الغالين

وأحفظ الكرامة عالية فوق ما طاحت

** **

- جابر مهجع الزوين