«الجزيرة» - عبد العزيز بن سعود المتعب:

الشاعر الأمير بدر بن عبد المحسن أحد أبرز واجهات الشعر المُشرِّفة في الوطن الغالي يُجسِّد في رائعته التالية مشاعر أبناء المملكة العربية السعودية تجاه مقام سيدي ولي العهد نائب رئيس مجلس الوزراء وزير الدفاع صاحب السمو الملكي الأمير محمد بن سلمان بن عبد العزيز - أطال الله عمره وأدام عزّه -:

مانيب عن هرج المعادين نشَّاد

عجاجةٍ جانا المطر من وراها

وإن جدّد الظالم مزاعمه وش عاد

هذا هوى نفسه وهذا جداها

ما تصلح الدنيا بلا صبر وعناد

ولطم الخشوم وردّها عن هواها

أنشهد إن بلادنا المملكه بلاد

ما أعظم مكانتها وماأطول مداها

يا محمدٍ حييت يانسل الأمجاد

جمرة هل العوجا وشعلة ضياها

يامحمدٍ حيّيت من روس الأشهاد

بقولها وأفرح بردّت صداها

حنّا نشوف الصبح من قبل ينقاد

في مفرقك والشمس غضٍ سناها

نحتاج لك روحٍ ونحتاجك فؤاد

وتحتاجك أرضك يامعمّر ثراها

لا يكدّرك يا أمير فاجر وجحّاد

بعض النفوس إبصارها هو عماها

وإلى رضى سلمان يحتج من راد

ما جيت خلق الله تدوّر رضاها

والله فوق الكل فحماه تزداد

عزٍ وتهنا المملكه في رخاها

** **

- الأمير بدر بن عبدالمحسن