الموضوعات الأكثر
قدام قلبي عن محبة وتقدير
شرعّت بيبان الغلا وأنت غالي
واعطيتني بإحساسك العذب تصوير
معناه راقي وأنت منزلك عالي
لك بالوفا مبدأ ومرسى وتأثير
ولك بالمشاعر ملحمة واكتمالي
والكلمة اللي ما تبي زود تبرير
صدق الشعور بوضع حالك وحالي
روح العطاء في مُعطياتك عن الغير
عنوانها يبقى الوحيد المثالي
في خاطري وأعطيك نُبذة وتقرير
عن ما تكن أعماقي أول وتالي
أنت السرور اللي يزف التباشير
لا ضاق من ضيقات الأيام بالي
يسرح خيالي معك وشعوري يصير
من كل شيءٍ غير طاريك خالي
شمس الغلا تشرق بسيرتك وتنير
دربي وتقلب مر دنياي حالي
** **
- فتاة نجد