«الجزيرة» - عبدالعزيز بن سعود المتعب:

الشعر الشعبي الوطني الجزل موثّق الولاء والوفاء واللحمة الوطنية ووحدة الصف والكلمة وكل القصائد الوطنية الجزلة المشرّفة يقولها الشعراء السعوديون بصوتهم المجلجل إلى عنان السماء باسم الشعب السعودي قاطبة في مقام سيدي ولي العهد نائب رئيس مجلس الوزراء وزير الدفاع صاحب السمو الملكي الأمير محمد بن سلمان بن عبدالعزيز -أطال الله عمره وأدام عزه- كالقصيدة التالية التي تجسّد ذلك

وجه السعد درع البلد لا عدمناه

ابن المليك اللي على الشعب غالي

سلمان أبوه وجدّه امعزّي أشباه

وهو من الاثنين ما هو بخالي

هذا الذي لولا الولي ثم لولاه

يابري حالي كان يابري حالي

على محمد قولوا الحمد لله

والشكر للمولى عظيم الجلالي

محمد محمد زبون المخلاّه

ومفتكها ما شربكتها الحبالي

اللي بيمناها خذاه بيمناه

ولحمولها نوّخ ظهور الجمالي

الحكم يبغى واحدٍ كنّه إيّاه

يضرب على راس العدو مايمالي

متفهّقٍ ما تلحق أقصاه وأدناه

وبكفّته ما يرجحن الجبالي

في مجلسٍ من حط كوعه بمركاه

ما يشتكي من ضيم سود الليالي

وأنا خويّه والمعازيب تفداه

شيخٍ تخاضع له زحول الرجالي

قالوا وقلت أقول مااحدٍ بويّاه

والشعب له كله خويٍ موالي

يلقى المعزّه والكرامه ويلقاه

حرٍ مطاليعه على كل عالي

شامت له العوجا العصي المسمّاه

وعدّل عوجها بالفعول اعتدالي

واللي براسه حلم بالعلم وطّاه

الين قضّبها الطريق ارتجالي

مشيّدٍ مجده على العز مبناه

صم الصفا ماهوب جرفٍ هيالي

عز الله انه قد منصبه ومْلاه

وانه على ما قيل وافي المثالي

ودم العروبه والعرب عنده اقضاه

من دم راس وشوف عين الملالي

خلّه وخل اللي يلاحي ملاحاه

مثل السفيه اللي من العقل سالي

ياطيب راسه يارياجيل طيباه

في ذمتي ماله حليٍ يحالي

غير الملك سلمان ما فيه حلياه

فالسلم والاّ في نهار القتالي

** **

- مشعل بن محماس