هاك الدقايق وقسّمها على كيفك

خذ باقي الوقت والماضي بيكفيني

أكتب بك الصُّبح وان جاء الليل أمسيتك

تالي حياتي وما راحت به سنيني

كم قلب غيرك كسرته يوم حبيتك

وكم قلب بعدك نوى بي وانت ناسيني

شِربتك الصِّبر (1) وارواني عطش صيفك

غدْرا المعاني عقب فرقاك تكفيني

ياطيف عمري سراب الشّوق ناديتك

ورد المشاعر ذبل مابينك وبيني

وشلون تقسى وانا بالحب ناديتك

وصافي عذابك توهّج واستوى فيني

كانك على الحال راضي رحت ماجيتك

وقلبت صفحة وهجرت شعور يكويني

ــــــ

(1) الصّبْر: مادة شديدة المرارة.

** **

- د. ناصر بن كدسه