صدر الورق يشكي من فراق الأقلام

ومْن انسكاب الشعر في غمرة شعور

ويلوح لي برقه على مزن الأوهام

بين العتيم اللي بزغ منّه النور

واستقبله ولهى لو القلب منضام

من قبلته سينا ومن غربه الطور

لو له عصا موسى مشى البحر قدام

يضرب فجوج الله والذنب مغفور

وأورده عذبٍ الشعر عقب ما صام

ويصبح بها قاعه من النشو ممطور

ويفوح منه الشيح والورد وخزام

وآقول يا قلبي من الضيم ماجور

تفرقوا خلاني وراحوا أقسام

أطيبهم اللي بالخفا ضحكته زور

اللي ورى ظهري وأنا عنه قدام

واللي على قل الوفاء كان مفطور

أهز جذع الصبر وتطيح الأقزام

واضرب على بيبانه بشاهق السور

ما عاد لي قلبٍ على البعد بيلام

ولا قلبي بغث العلاقات مجبور

** **

- شواهق نجد