عدّو لي الفنجال مرٍّ وحالي

خلوني اكتب فالليالي قصيده

نقيتها من كل درٍّ وغالي

من كف جودٍ ما تمد الزهيده

والجود ورثي من عمام وخوالي

عدّيت به فوق االنجوم البعيده

عسفتها بالسيف سيف الهلالي

سيفٍ على القيفان يسطي حديده

للدين والدنيا مقام الرجالي

ببْراج مجدٍ فالمعالي تشيده

ترسي على الشدّات مثل الجبالي

يذري ذراها فالليال الشديده

نرقى بها العليا ابْ قول وفعالي

ولانلتفت لهْل القلوب البليده

جنّبت عن درب الرّدى والهبالي

عن دربهم راسي رفيع وعنيده

من لانفع بالضيق ماله مجالي

وقت الرخا كل الليالي سعيده

والجود مايشري ابْ زود الريالي

الجود طبعٍ فالنفوس وعقيده

والفرق بيِّن بين مرٍّ وحالي

والمر مايقطع ضمانا وريده

والخير كله في عظيم الجلالي

يغفر ذنوبي يوم يبعث عبيده

** **

- حشر بن عبدالمحسن بن حميد