سحايبٍ مرّت على البال من عام

ما خلّت الّا الذكريات وصداها

يا ليتها مرّت بلا صوت وانسام

حتى ما يسري خاطري من وراها

لكنها طافت على قلبي أيام

من غير لا ندري وش اللي معاها

مشاعري ما عادت بدرب الاحلام

ترسم بنور الشمس زهرة غلاها

وظنوني اللي تسبق الشوق قدام

الله يسامح من تعمّد خطاها

والله يبيح اللي على شوقه حْطام

روحٍ خذت من دمع عيني رضاها

كنت الأمل يوم الزمن زحمة أوهام

وكنت الرضا يوم الليالي شقاها

يحفر بصدري للوجع جرح وآلام

لين امتلت نفسي أسى من غثاها

ما كنت أظن الطرس لعيون الاقلام

يترك حنين الدمع يبحث خفاها

في ذمة اللي عاش ما هوب ينلام

قلبٍ حفظ للناس شيمة وفاها

ليت الصبر يشرى مع كل سوّام

وليت الاماني تنثني لي عصاها

وليت الحزن لا عاش بعيون الايتام

ما يترك البسمة حبيسة عناها

** **

- فاطمة ناصر (فتاة تهامة)