عديت فالنايفات الطايلات الرفاع

وابديت في راسها ونة حزن ونهته

ادميت خدي بدمع العين والحيل ماع

والصدر من حر مابه من عذاب نحته

ماعاد باقي لي من الصبر مايستطاع

يومي بي الهم واغلى العمر قام سحته

كنيت في خاطري شي ماودي يذاع

درب السلامه رياح الوقت جات محته

وتبلد احساسي المرهف وجف اليراع

وحارت بي الرجل والدرب الظلام سرته

ودي بخلوه مع افكاري وشعري متاع

الفضفضه صوت ذيبٍ والليال عوته

وياساكر الجو لو تملا فضا الاتساع

مايركد اللي بصدري كل عرق زوته

نفسي عزيزة علي ولاتحب الخداع

وجنت عليه جروحٍ جاتني بخفته

سلامة القلب مرعى للكبود الجياع

وانا على جال ضوي والفواد كوته

الطيب ماعاد هو يشرا وعوّد يباع

والجيب جته المشاكل صاطيه وفرته

** **

- هيبة شعر/ أم الفهد العتيبية