يا غروب الشمس والناي الحزين

ما لقيت من اللظى للروح فيّ

وأنت يا درب الغوالي الراحلين

ليت تتوارى عن عيوني شوي

والسحاب اللي مضى ما عَرْف وين

شح لا يسقي ضما العطشان مي

وتذرف العبرات من كثر الحنين

ما لقت في حالك الظلماءْ ضي

وقلبي اللي في قفص صدري سجين

كلما قال الهوى هياك عيّ

كل جرح في ثرى إحساسي دفين

وكل شبر من شبا شلفاه نيّ

وكلما قلت الفرج عيت تزين

الحق بميسم جفاه الكي كيّ

وضاقت فجوج الفضا يالله تعين

كن ما في الأرض من الآصْحاب حيّ

وكن روحي في نُصُبْ غدر وكمين

يا ضمير الحي هل ما زلت حيّ

كلما غاب الشفق ناظرت لين

يغلب إحساسي من الضيقات شيّ

آتنهد وآترقب وآستكين

وآيقن إنّ الغايبه ما هي بليّ

** **

شواهق نجد - هيلة القحطاني