الموضوعات الأكثر
«الجزيرة» - عبدالعزيز بن سعود المتعب:
الشعر الشعبي الوطني مُوثِّق الولاء والوفاء واللحمة الوطنية
ووحدة الصف والكلمة، وهذا ما تُجسده القصيدة التالية في مقام
سيدي ولي العهد صاحب السمو الملكي الأمير محمد بن سلمان بن عبدالعزيز آل سعود -أطال الله عمره وأدام عزّه-:
غر القصايد في سموك من غلاها لك تهيم
يا سيدي جاتك على كف الغلا في يومها
تميل من طيب الجنا لا هب ذعذاع النسيم
لا صار عازمها يقلّطها على معزومها
من منطلق مال الكرم الا مداهيل الكريم
غنّيت وبشوت القصايد ضافيات كمومها
يا سيدي وجه السعد لا كلّح الوجه اللئيم
عليك هقوات الرجال اللي كبار همومها
نبايعك بيعة ولا على صراطٍ مستقيم
الشرع منهاج البلاد وعزها ونعومها
يا كاسبٍ كلمة نعم يا ماسحٍ دمع اليتيم
يا ناصر الام الحزينه لا بكت مكلومها
يا شامخ الوقفات يا المقدام يا الحر العديم
ياللي تهوم الطايلات بوقفتك وترومها
تاريخك المجد المظفر، عزك العز المقيم
في سوق من يرهي على الجزلات يفرق سومها
ما لان عزمك يا وريث الحكم والمجد العظيم
يوم الرجال ايليّن الوقت الشحيح عزومها
يا حاتمي الكف يا المحمود يا الفذ الحكيم
يا مخلفٍ هقوة هقاوي من يبث سمومها
يالحازم الجازم وسيع العرف يا عوق الخصيم
يا مزبن اللي تركي الدنيا عليه سهومها
عندك يا ابو سلمان مخلاص الغريم من الغريم
وفعلك يصحّي روس قومٍ غارقه في نومها
وان طالت امال الغشيم اللي يقدي له غشيم
على يديك اتموت امانيها في سد حلومها
يا راعي العوجا نهار الحزم والراس الصتيم
تقدم على القالات لا هابت يدين رخومها
يا معرب الجدين يا بنك العطايا المستديم
يا سيّد الامداح يا الممدوح يا زيزومها
من راس ابو فهد حكيم الراي والفكر السليم
من هابته روس دول واسيادها وقرومها
اللي ليا من هاجت الامواج فالليل العتيم
يغوص غبّات البحور المظلمه ويعومها
ولا للمواقف غير اهلها يا هل المجد العظيم
ولو يختلف وجه الزمن تشهد عليه وسومها