الشاعر الغنائي المعروف سعد الخريجي يخصنا بجديده:

إما نعوّد ياحلو للبداية

ولاّ نودّعكم على بوسة الراس

منك الرضا والحب ماهو كفايه

لازم تَعَرف الفرق من بين هالناس

من ينخدع باهل الحسد والوشايه

يظلم ضميره ظلم ماحده قياس

واللي يبي يفهم حدود الحكايه

اما يجي للشمس أو يرجع ادماس

اللي تغره صورته في المرايه

إعجاب سطحي وما معه غير الإفلاس

وإن كنت ناوي تجتهد في شقايه

ماضنتي يمديك مع قاهر الياس