القصيدة والأغنية ثنائي ثابت في تاريخ (الشعر والفن)، وهذه زاوية نُقَدَّم لأحبتنا ومتابعينا من خلالها استجابةً وتفاعلاً مع الرسائل التي ترد إلينا أجمل القصائد التي قدمتها أعذب الأصوات.. وفِي هذا العدد نقدِّم نصاً للشاعر هلال المطيري بصوت الفنان عبدالمجيد عبدالله:

يكذبون إن قالوا إني جبت طاري

يكذبون إن قالوا إن إسمك ذكرته

صدقيني لو قصر عنك إنتظاري

ماتركت اللي وصلني ماانتظرته

كنت جالس بينهم والقلب ساري

عندهم لو جف دمعي ما عذرته

بس هم شافوا لك بعيني مواري

كنت أبجمع طاري الحزن ونثرته

كلٍ دمعٍ صادقٍ صدق إعتذاري

ما قدرني من غلاك ولا قدرته

كنّي أدري عن سوالفهم وأداري

لايجي طاريك وأبطي ما سترته

إسأليهم وش كثر كان إنكساري

وإعذريني خاطرك يمكن كسرته

يكذبون إن قالوا إني كنت داري

كنت ساهي وامدحك شخص وشكرته