الإحساس العالي، الصبر، الإيثار، الكرم، القناعة، التسامح، الاعتداد بالنفس، كل منها مزيّة ارتبطت بالشعراء.. وقديما قال الشاعر أحمد شوقي -رحمه الله- (أنتم الناس أيها الشعراء) والقصيدة التالية تجسيد لمكونات شخصيات الشعراء:

أنا اللّي هادي بطبعه ولا له زيّ

وأنا اللّي رقته تطغى على إحساسه

أنا اللّي يحترق عمره وهو في فيّ

وأنا اللي يقتسم مع غيره أنفاسه

أنا اللّي تكبر ويطوي همومه طيّ

ولو جاته زهيده قال الماسه

أنا اللّي اكتوى وزادت جروحه كيّ

وانا اللي حط من حوله على راسه

أنا اللّي لاقسى غيره وزاد الغيّ

يتْرُك من جفا يهنا بلذاته

أنا اللي جرّب الدنيا شوي شويّ

وصارت دنيته تهنى إذا جاته

أنا اللّي يزرع الورده ويسقي ميّ

وأنا اللي يعطي المحتاج حاجاته

** **

- د. ناصر بن كدسه