الموضوعات الأكثر
صدى لقصيدة (الثمانين) للشاعر الأمير خالد الفيصل
لاح الوقار وبان في وجهك النور
حيك وحي النور واللي بدابه
أيام عقب أيام وسنين وشهور
شواهد التاريخ للي حكابه
العلم حومة هاجس وصادق شعور
وان يممت صوبك فلابه غرابه
دستور وقفنا على باب دستور
أنا وشعري والقلم والكتابه
اسمك كبير وحرف شاعرك مغمور
وأدنى وصوفك صعب ماينهقابه
يا «خالد الفيصل» عسى عمرك دهور
ملاحم الأبطال دايم تشابه
لك في سمو المجد هومات وسبور
وللمجد في غرة جبينك مهابه
رديف خلان الزعامة على الكور
زيزومهم في سلم ولا حرابه
صليب رأي وعادتك تحكم الشور
لا استصعب الموقف وكشر بنابه
يا نسل من صادم عصابات بلفور
واوجع مناكب الارض وطية ركابه
سيف على روس الطواغيت باتور
العدل في حدة وقبضة نصابه
«فيصل» مفرق طغمة الفسق والجور
يوم المواقف شرها يندعابه
وان جات لابداعك مقفي ومنثور
كم من حزينٍ شعر خالد سرابه
مبدع وحرفك يمطر احساس وشعور
يبشر العساس منشى سحابه
واليا انتثر غداله فياض وزهور
تشرب نداه وتنتشي من ربابه
ياسيدي عذرك اذا فيني قصور
ازريت البس كل وصفٍ ثيابه
بيني وبينك ملحمة وافي شبور
عجزت اغنيها لقوس الربابه
** **
- شعر/ مهاة نجد