الموضوعات الأكثر
مرثية في عبدالله بن سعود المتعب - رحمه الله:
فقدناك يا عبدالله أخوي ولد سعود
لكن عند ربي ما فقدناك يالغالي
فكل نفس ترحل لاوفا أجلها الموعود
وهالموت دربٍ ممشيٍ أول وتالي
خيالك بقى لو إنت بالمقبره ملحود
ماغابت ملامح وجهك الطاهر قبالي
مع الصبح تشرق شمسك بقلبي الملهود
ومع الليل قمرا ذكرياتك على بالي
بكتك البراءه والتواضع وريح العود
وبكاك الوفا ماهو لمنصب ولا ريالي
وبكاك الذي تعطيه ماترتجي له فود
تبيها من الله ربك الواحد العالي
وبكاك الصديق اللي معك مامشى منقود
على عهدك الماضي عن الدرب مامالي
مضيت لرحيم أرحم من أمٍ على المولود
كريمٍ ملك قدّوس عليم بالحالي
هو المبدىء المعيد الوارث المعبود
سميع الدعاء جنح الدجا الباعث الوالي
** **
- عبدالعزيز بن سعود المتعب