صعب الكلام اللي على غير برهان

مابه على راعيه غير المضرّه

من لايج+وّد حجته قدر الإمكان

يلقى من الغاوين مالا يسرّه

العلم يقفا والدواوين ميدان

وأقو من هرج الرياجيل حرّه

لا ياسقا الله رحلتي ذيك الأزمان

يوم الهقاوي في نجوم المجرّه

مشيت في صحراء ومرّيت بستان

وتركت لي فيها على الأرض جرّه

أثر الهبايب تستبيح أرض الاوطان

وما فيه شيءٍ تتركه في مقرّه

إلاّ الجبال اللي على الأرض عمدان

عيّنتها في وضعها مستقرّه

الذاكره تجتر في بعض الاحيان

وتجيب لي طاري وتقعد تشرّه

وأنا فترت من المشاريه والآن

ماعاد لي في وصف الأشياء مغرّه

من لايقوم بواجبك وأنت تعبان

لاطبت ماتحتاج منه المبرّه

اللي ماغير يزين في الوقت لازان

تجنّبه وأفتك خيره وشرّه

** **

- سعيد بن مقبل الأكلبي