مرثية في الشيخ علي بن محمد العواجي -رحمه الله-

عزّوا معي الوفاء والجود والطيبه

وصعب المواقف توفّى اليوم راعيها

بالمرجله عاليٍ قدره وترتيبه

تشهد له الناس قاصيها ودانيها

طلق المحيّا لناصيه بتراحيبه

قدوه بحياته من أولها لتاليها

بابه مشّرع ومدهل شبٍ وشيبه

جمايله يرجي الله في حسانيها

ياكثر ماأعطى لوجه الله من جيبه

وأخفت يمينه عن اليسرى عطاويها

وكم قلّط الحيل ماحسّب تحاسيبه

وفي كل مرّه أبوخالد يثنّيها

رجل المواقف اليا من صارت اصعيبه

وما بان للمنصفين بعدل تحصيها

نزه السريره عدو الحقد والغِيبه

جسّد رفيع المراجل في معانيها

ماكتب ربي على المخلوق يرضيبه

والموت له لحظةٍ ماهوب يخطيها

أعزّي عضيد أخوه اللي نماريبه

أبومحمد اللي جروح الفقد كاميها

سيرته مثل الجدي من تاه يسريبه

نجم السماء والبشر ماهوب خافيها

وخالد وإخوانه حرارٍ في مراقيبه

من خلّف مامات والأجيال تحكيها

** **

- عبدالعزيز بن سعود المتعب