تغيب الشمس وأخالف مهبّك ياهبوب النود

وأدف الموج عن شاطىء الأمل ويعاند التيّار

أخفّي ضيقتي وأيام صبري ماعليها زود

وأنا واقف من أحزاني مثل وقفة غريب الدار

أغض الطرف وسنين المعاتب سيفها مجرود

وأنا ماعاد فيني للمعاتب والكلام الحار

نديم الليل همٍ فيه من ظلم الليالي السود

مجاورني ثلاث سنين مايعرف حقوق الجار

مجاهدني وأنا اللي راس مالي من خلال العود

تراحيب المحبّه في وجيه اللي تشب النار

أعاني من تصانيف العقول وفكرها المحدود

وأعاني من كلام البائسين بغفلة الأخيار

صديق الجهل مهما طال عمره ماعنه منشود

يقولون الطريق يمين ويقول الطريق يسار

أهاجر فأرض ربي عن وجيهٍ ماوراها فود

وأنا اللي مقتنع ماكل من هاجر لقا الأنصار

على أقل إحتمال أعانق البيداء وراس الطود

وأنادي للنوايا الطيبه سلامة الأسفار

أسج النفس وأدري إن الأنفس يومها موعود

وأقول إني هنا والأرض خضراء والسماء مدرار

رغم جور الليالي والمعارك حاوي ومردود

محابيل الزمن ماقيّدت حرية الأحرار

** **

- علي بن نايف الغامدي