الموضوعات الأكثر
(لو غبت والا غيابي زاد عن حده)
فـ(بعد خامس) مع الأشعار تلقاني
حسدت طيفي يزورك آه من قده
وانا أحاول وظرفي دوم يعصاني
معاك قلبي أبيه يعود ماوده
معذور دامك نعيمه لو تناساني
أذكر لقانا قبل ما تسافر لجدة
أتذكر الليل طفلٍ بالفرح جاني
أذكر بداية هبوب الريح مشتدة
تنشر بقايا شذى عطري بفستاني
تلعب بشعري تروح تعود مرتدة
أخاف فيها أطير يضيع عنواني
الشر انا اعرف حبيبي تقدر تصده
عني وروحك بترخصها على شاني
بعكس خوفي يبان الشي من ضده
من برد خوفي هدوءك حيل دفاني
تبقى السوالف بطول الليل ممتدة
والكون كله يضيق بفرح وجداني
أضحك ويدي حبيبي تمسك بيده
الليل يرقص على ترنيمة الحاني
لكن حسافه لقانا الليل ما سده
وقت الفرح دوم طبعه معي خذلاني
بدون شوفك ترى الأيام مسودة
طعم السعادة يذوب بمر أحزاني
صرح الأماني رياح الخوف بتهده
خوفي بعتمة ظلام الليل تجفاني
صحيح باصلي ونفسي حيل معتدة
لكن عذابي وموتي منك هجراني
تسأل أنا انسى؟! تعجب تنكر بشدة
وشلون أنا انسى حياتي نور أعياني
وتقول أحبك يا ظبيٍ» باهيٍ» خده
وتغيب عني وتتركني مع اشجاني
أرجوك حبي لاغبت اتقصر المدة
لا تحسب ان (الرسايل) عنك تسلاني
ارجع حبيبي غيابك زاد عن حده
ارجع يعود الربيع وتشرق الواني
** **
- بدر البدور