الموضوعات الأكثر
ليا بطيت ما جتني مراسيلها اضيق
واشتاق خصٍ للمراسيِل منها
بنت القروم الشامخين المطاليق
اللي على روس المعالي سكنها
بيني وبين (مزون) ولف ومواثيق
لو ان داري مبعدة عن وطنها
يا بنت من يثنون في ساعة الضيق
في حزةّ ما احدٍ حياته ضمنها
- البدوية
ياحي من صاغت جزال الطواريق
بنت الرجال اللي بالاوصاف كنها
ظبيٍ مداهيله بروس الشواهيق
أميرةٍ.. تذكر وتامر وتنهى
يا بنت مروين السيوف المفاتيق
قبيلةٍ.... يا سعد من هو زبنها
غلاك عند (مزون) باقصى المعاليق
رغم الغياب ورغم شدة زمنها
- مزون السحاب
يالله يا مطلوب رب المخاليق
تفرج لعينٍ حول الدمع منها
يا حمس قلبي حمس بنٍّ حواريق
حمّاسها في سجة البال يلهى
سمعت قافٍ يشرح البال ويفيق
بين النشاما اللي توقق لزمها
شعيتوا فوادي وانا خاطري ضيق
ببيوت شعرٍ ما ينقص ثمنها
- الغرابية