يا بنت انا من طريق اهل الهوى تايب

تكفين قلبي لغيّه لا تردينه

ترى الدلع والحنان يضيّع الشايب

يذكر شبابه ويبكي ماضي سنينه

ابوه كان الإمام وجده النايب

وشيّب وطرد الهوى داخل شرايينه

الله من ليل اسود والقمرغايب

والناس ممسين والكهرب مطفينه

سريت ليلي وقلبي بالهوى ذايب

بامتع العين من رمشه ومن عينه

مع بعدنا عن طريق المنهج العايب

في الوصل سلم العرب دايم مراعينه

واليوم صدرت مقفي خاطري طايب

انسي قصيدي ورقمي لا تدقينه

** **

- عبد الرحمن عبدالله العريفي