«الجزيرة» - عبدالعزيز بن سعود المتعب:

لاح يوم الوطن والعز لاح

- «الأمير خالد الفيصل»

في السلم يشهد لنا عَمَار الأوطاني

- «الأمير بدر بن عبدالمحسن»

حَمَّالة المصحف وغيثٍ للاجواد

- الأمير سعود بن عبدالله

ليس أعز على الإنسان من الانتماء لوطنه، والمواطن في المملكة العربية السعودية خير أنموذج مُشرِّف لذلك منذ عهد مؤسس وموحد الوطن الملك عبدالعزيز بن عبدالرحمن -طيب الله ثراه- والملوك أبنائه من بعده -رحمهم الله- سعود وفيصل وخالد وفهد وعبدالله إلى عهد سيدي خادم الحرمين الشريفين الملك سلمان بن عبدالعزيز -أطال الله عمره وأدام عزه- وسيدي ولي العهد الأمير محمد بن سلمان بن عبدالعزيز -أطال الله عمره وأدام عزه- والمناسبات الوطنية المهمة جداً مثل هذه المناسبة المُشرِّفة والغالية على الجميع التي ترتفع بها الهامات عالياً إلى سماء العز والمجد والسؤدد والخير والعدل والأمن والأمان وكل منها صفة لما هذا الوطن عليه، مما استدعى أن يكون الشعر الشعبي مجسِّداً كما هو موثِّقاً للوفاء والولاء واللحمة الوطنية ووحدة الصف والكلمة قال الشاعر الأمير خالد الفيصل:

لاح يوم الوطن والعز لاح

وكلمة الله على البيرق تلوح

يوم الإسلام يا يوم الفلاح

والوطن كل روحٍ له تروح

فوق الأيمان ركَّبنا السلاح

والمقابيل بالخافق تبوح

الله أكبر مثل ضرب الرماح

سيّلت في خفى الباغي جروح

وقال الشاعر مشعل الحارثي:

اليوم عوَّد به التاريخ لسعوده

معواد حرٍّ شهر بالنصر جنحانه

ومنها قوله:

سلمان راس الملوك وساسه جدوده

واللي حَمَا ملك أبوه وورث جدانه

ما يحكم بشرع حكم الله ويسوده

غيره ولا غيره إلاّ أبوه واخوانه

أهل العقيدة نمور الدين وأسوده

عيال عبدالعزيز اللي لهم خانه

ويجسّد الشاعر الأمير بدر بن عبدالمحسن صوت أبناء المملكة العربية السعودية مختزلاً ذلك بقوله:

من بان عبدالعزيز وصبحنا باني

ما عاد نقبل ظلام الليل لو ساعه

في السلم يشهد لنا عَمَار الأوطاني

وفي الحرب لأرواحنا للموت بيّاعه

حنا سياج الوطن عن كل عدواني

والجيش والأمن ساري العز وشراعه

وعن اعتزاز المملكة العربية السعودية بالدين الإسلامي والحرمين الشريفين وما جبلت عليه نفوس أبناء الوطن من صفات نبيلة ومكارم أخلاق وشجاعة قال الشاعر الأمير د. سعود بن عبدالله:

إنَّا هل العوجا مهمات وجهاد

وإنّا لبيت الله خدّام وجنود

حَمَّالة المصحف وغيثٍ للاجواد

وبكل ناوي شر نارٍ وبارود

وإنّا الغضب والجهل لاجات بعناد

وإنّا العقل والعدل والطيب والفود

داري سيوفك حدب ورهاف وحداد

تاريخها بالفخر والعز ممدود

وعن سيرة الوطن الغالي في كل المحافل الدولية يقول الشاعر جزاء البقمي:

عظيم يا موطني في كل حالاتك

يا موطن العز والتوحيد والنصره

عزّك يدوم وسماك تزف غاياتك

والمجد سيرة فخر والشعر يختصره

وعن -فداء- أبناء المملكة العربية السعودية لأرض الوطن الغالي يقول الشاعر نايف بن مسرع الدوسري:

أرقابنا من دون حد الوطن عوق

للطامع اللي جاء تسوقه (حَلاَمه)

دم يا وطن وإنّا مهر عنك مسيوق

في ظل من شعبه جنوده حزامه

ورداً على كل صوت ناعق ونابح وحاقد من أعداء الوطن يقول الشاعر سهل بن بندر المقاطي بصوت كل مواطن مخلص غيور على وطنه الغالي في ظل ولاة الأمر الكرام -أطال الله عمرهم وأدام عزهم-:

يا وطنّا دام عزك يا وطنّا

في ذرى سلمان قبطان السفينه

ومنها قوله:

والله إن اللي (ينابح) ما شحنّا

لو يجرّ الصوت حنَّا خابرينه

شعبنا واحد وراعي الحكم منَّا

من على وقت الإمام مبايعينه

وعن الاعتزاز بحاضر الوطن المُشرِّف قال الشاعر سلطان بن بندر بن بتلاء:

صرنا وطن واحد ورَبع وحِلف

لا.. درب للتفريق والتخريب

عمر التقدُّم ما اتجه للخلف

والذنب ما صار أهون من العيب

قبايلٍ جت من زمانٍ صَلْفْ

تدوِّر التوحيد والترتيب

ما بينهم كانت مزارق شِلْف

واليوم يجمعهم مزارق طِيب