لا تنشدوني عن غيابي والغياب

جاني وصلفات الليالي جانيه

كنت أحسب أن الوقت محمود الجناب

وأثره علي يَحَسْبْ حتى الثانية!

ترى أعظم الأصحاب وأنقاهم «كتاب»

وترى النفوس أعزها المتفانية

لا تغرّك الصحه ومالك والشباب

ولا تحسب الدنيا قطوفٍ دانيه

يبي يجيك الحزن ويجيك إكتئاب

وتشوف دورات السنين الحانيه

إفتح لذعذاع الأمل عشرين باب

وان شانت الأولى.. تزين الثانيه

وافهم ترى الدنيا سرابٍ في سراب

وإن الحياة وما عليها فانيه

** **

- خالد مناحي الشهراني