موطن طفولتك لا شيبت ثم جيته

كنك عن الدار تسأل روس أباينها

ترجع بك الذاكرة للي تعديته

تنسى كثير الليال وتذكر ازينها

خصٍ إليا من راس الرجم عديته

وسقت النظر من يسار الدار لايمنها

عديت راس النبا والشوف مديته

على ديارٍ قديم الوقت نسكنها

خشيت في جو مدري كيف خشيته

سلط على الخشة اللي (عرض) ما ازينها

قمت اذكر الشي وانسى وقت ما جيته

واراجع الذاكرة وابحث مخازنها

ويطري عليه نهاري وين مضيته

والحاجة اللي بهالموقع مزينها

هذا حسب ما تصورت وتوريته

كل بيوته على كيفه يدونها

ويا ماض الايام تال العمر مليته

كل الدعاوي ما باقي غير اماكنها

** **

- سعود جمعان المطيري