البارحه رأسي يشوبه تفاكير

والصدر تصفق به هبوب الطواري

أضيق وأدور من الهم تبرير

وللهم في وجهي رسوم ومواري

يضيق صدري وأتعب الرجل وأسير

وتعبت ما حصلت باب الطواري

ما نيب صقار خذى عقله الطير

دايم ورى طيره وصيد الحباري

ولاني من أصحاب الذهب والدنانير

ولا لي فلل في حي شبرا وصاري

أنا فقير عذبته المقادير

ماهوب من كيفي ولا باختياري

إليا كسبت أكسب وجيه المناعير

ودايم على فعل المواجيب ضاري

ألقى السعاده بين آيه وتفسير

وأعيش في روضة صحيح البخاري

وأموت وأحيا ما حسبت المخاسير

هذي قوانيني وهذا مساري

** **

- خالد مناحي الشهراني