الموضوعات الأكثر
قصيدة رثاء اللواء ركيان بن طليحان العوفي «رحمه الله»:
لا والله اللّي راح راعي المواجيب
ابو محمد راعي الطيب والجاه
شيخٍ شمخ بالطيب ما به عذاريب
مضرب مثل بالطيب من طيب مجناه
يومن لأهل الطيب حظ ومناصيب
عز الله إنه وافياً في مزاياه
شيخ المراجل يوم فك المناشيب
يقلط على الصعبات من طيب يمناه
بابه مشرّع للمطاليق ما يغيب
وقولت هلا بالضيف ساسه ومبداه
طلق الحجاج يا قابلك بالتراحيب
مع دلةٍ صفرا على الجمر مركاه
مواقفه ما تنحصى بالمكاتيب
عز الرفيق وعز من جاه ينخاه
أبو الأرامل واليتامى المغاليب
كم من يتيماً يوم شالوه ينعاه
يبكي عليه وشق من حزنه الجيب
واليا ذكروه يقول لا واحلالاه
عسى له بجنات عدنٍ مقاضيب
الوافي اللي قل بالوقت حلياه
وختامها يا عالم السر والغيب
عساه بالفردوس والخلد مثواه
** **
- غازي بن شديد الغريدي