تعال عندي أنا من بعد فقدك وحيد

جسمي مع الناس وعقلي ما لقيته بعد

في عالم اللاَّ شعور يطير فكري بعيد

فوق الغصون الحزينه جر صوته كمد

ما تدري إنك بوسط العين غالي فريد

فالقلب راسم ملامح صورتك للأبد

ميثاق عهد المحبه في عروق الوريد

أرجوك لا تقطعه ويسيل دمه بدد

قوالب الثلج في ساحات بحر الجليد

فيه المشاعر اسيرات الهوى المعتمد

إن كان تبغى تحررها وناوي أكيد

حنان قلبك بدفئه يشعله لا جمد

تعيدها مثل ما كانت على ما تريد

قبلة حياة الأمل بركانها اللي خمد

إسمع كلامي وخل الماضي اللي تليد

نبدأ حكايه جديدة في كتاب الشهد

تأليف حسن الوفا إخراج كامل سعيد

عبر الفضاء في محطات الهناء والسعد

** **

- مقرن بن متعب الهرف