قال انتهينا وش تبي مني أكثر؟

الحب ما له بالحنايا مكاني

ابعد وفارق قد ما كنت تقدر

اخذت من قلبك كثير وكفاني

قلت الغرام اللي سكن فيني أكبر

لولا المحبة للبكاء وش حداني

للنوح صدري عقب ما رحت منبر

وللهم مرباعٍ بحدب المحاني

ذبحتني من دون سيفٍ وخنجر

عايش ولكن بي ذبحت الأماني

حلو الزمان اللي مضى كان تذكر

ما كنّك انت الا تقل شخص ثاني

واليوم دمعي سال به دم أحمر

واهداب عيني للمواجع مواني

ما دام رحت الله يبيحك وابصبر

كل شيء بالدنيا ولو طال فاني

ما يوجع العاشق ويذبح ويقهر

الا كريم عاشق له اناني

** **

- فيصل بن عويد بن طواله