عظيم يا موطني في كل حالاتك

يا موطن العز والتوحيد والنصره

عزك يدوم وسماك تزف غاياتك

والمجد سيرة فخر والشعر يختصره

على بياض الوجيه ترف راياتك

وأمجاد عزك لنا ما هيب منقصره

الجود مدك وبذل الخير عاداتك

عاداتك اللي على شرواك مقتصره

دوحة اراضيك تسقيها سمواتك

وخيرك يعمّ الشعوب ولا أنت بتحصره

لك ثقلك اللي تميّز به سياساتك

لا بان طول النْفَس فالعلم من قصره

ما غيّرت لعبة التغيير وقفاتك

الشام يشهد لك وتشهد لك البصره

ويشهد لك العالم اللي شاف صملاتك

ويشهد لك المصري اللي صاح في مصره

ويشهد لك الماقف اللي يرهب عداتك

يوم اليمن نابحات ايران تعتصره

وفزعت فزعة شجاع وجات قواتك

وخلّت عدن تحتفل بالنصر منتصره

تشيل (هم العرب) وتوحّد شتاتك

وتطلب من المقتدر توفيقه ونصره

الله يعزّك ويرفع شان قاداتك

والله يديم الملك والحكم في قصره

سلمان راس الشموخ ومملكة ذاتك

الحاكم العادل المتفرّد بعصره

** **

- جزاء البقمي