الله يحفظك لذرى المجد عنوان

وينصر بك الملة وسنة رسوله

ويعز ابوك اللي خذا الحزم سلمان

اللي يأكد قولته في فعوله

ماهمنا طهران واذناب طهران

ولاهمنا خنزيرة مع عجوله

الوضع واضح مايبي فيه برهان

تبطي عليهم ديرة بالسهولة

سيروا بنا لعجت النار دخان

عاداتنا وقت الحرايب رجوله

الدار نفدها شباب وشيبان

وينعم وطنا تنهدم كل عموله

اللي يخون الدار خاين وخوان

ماله مقام في ذراها وسهوله

واللي نعق وسط الوسايل وغلطان

الكلب ينبح والقوافل حموله

اهل المكايد والدناءة والاعفان

تموت غيض في كمدها جهوله

ماهمنا تركي يصفق للاخوان

الغدر باين في عيون السدوله

ولا همنا قطعة من العضو خربان

نقطع عروقه تبتلش في عقوله

حنا هل التوحيد ازمان وازمان

والشرك بعون الولي به نزوله

اخوان نوره حكموا شرع قران

وهذي شريعتنا بعدل نقوله

حنا العرب مجد تعلا بالاوطان

تبطي عليهم توصله او تنوله

هذي سعودية بلد أمن وأمان

ربي حرسها بالنشاما الزحوله

اللي يعاديها ترا الكأس مليان

سم زعاف يشربه ثم يزوله

واللي صديق بالوفاء كلنا اعوان

نمدله كف ونبني معوله

الله يحفظك لذرى المجد عنوان

وينصربك الملة وسنة رسوله

** **

د. عبدالعزيز الحماد - عضو هيئة التدريس بجامعة فهد بن سلطان