الجزيرة - عبدالعزيز بن سعود المتعب:

الشعر الشعبي الوطني المُشرِّف الجزل هو مُوثّق العز والوفاء واللحمة الوطنية ووحدة الصف وهو ما جسّده في القصيدة التالية الشاعر الأمير الدكتور سعود بن عبدالله:

البارحه وأهل الوفاء سهر وسهاد

والحاجب الطلق الرخي صار معقود

والناس خل الحكي ما تقبل الزاد

واللي فعل هالفعل خايب ومقرود

دام الرجال جبال والعز وقّاد

يا جهلهم ما انهز في هالثرى عود

يا دارنا دام الغلا ورث الأجداد

خطاك سو الجهل واحلامه السود

تبقى الرياض العمر فعيون الأسياد

مُرْ المربّع وانشده عن هل العود

هذي ثلاث قرون في دار الأمجاد

والدار لأهل الدار من زود في زود

ندري لنا من بين هالخلق حسّاد

واللّي بنعمه من هل الشر محسود

انّا هل العوجا مهمات وجهاد

وانّا لبيت الله خدّام وجنود

حَمَّالة المصحف وغيثٍ للاجواد

ولكل ناوي شر نارٍ وبارود

وانّا الغضب والجهل لاجات بعناد

وانّا العقل والعدل والطيب والفود

داري سيوفك حدب ورهاف وحداد

تاريخها بالفخر والعز ممدود

** **

- الأمير د. سعود بن عبدالله