على عرش الملوك وفي مشارف حكمهم مولود

صفات المُلك جيناته وحكمه من قوي باسه

هو معزّي، وهو تركي، وهوّ محمد ابن سعود

ورث مجده من اجداده ويقدح من سطر راسه

وريث التاج والشلفى والاجرب سيفه المجرود

حريبه بالوغى من ضربته ما يلقط انفاسه

الا يا مقدم العوجا بحزات الرخى والكود

تنهّض كنّه معزّي بصبحٍ تقرع اجراسه

صهيل الخيل بالبيدا وريح الملح والبارود

طرب نفسه ورِفعة راسه ومجده ونوماسه

يمينه مثل ما تسطي يمين الخير وام الجود

بلغ ذروة سنام الجود واشعل فيه نبراسه

الا يا ذخر سلمان الحزم يا عزوة آل سعود

ترعرع بين حكام العرب والعرش مجلاسه

** **

- فيصل بن عويد بن طواله