الموضوعات الأكثر
يالله بحظ.. ودعوةٍ مستجابة
والعفو. والجنة. ورزقٍ حلالي
يقضى لوازمنا ونطلع نصابه
ورايٍ يقدينا وصدرٍ شمالي
ونفسٍ خفيفة غاشيتها الرحابة
والعقل يرجح في جميع الجبالي
الخير لاهل الخير مفتوح بابه
والشر ماله من طرفنا مجالي
على النقا ماهيب عوجا طلابه
حنا بشر ماندّعي بالكمالي
كلٍ يراجع في ضميره حسابه
يعني عن الشرهات طوّ الحبالي
لا تحسب انّا الأنبياء والصحابه
نخطي ونقدى مير ياهملالي
** **
صالح الناصر - الزلفي