الموضوعات الأكثر
تمسك بالرجا وأرسم طريقك وأشعل الاحساس
ترى ما كل مبصر توقد الأنوار فا حساسه
مرارة صبرك المؤلم ليا عم البلا والبأس
ينسيها الفرح لا صب الك وأسقاك في كأسه
ما دامك فالطريق ومتجه للمجد والنوماس
لا تجلس فالطريق وتلتهي في هرج جلاسه
ترى في كل سكة للمراجل والعلى جلاس
يضيع أبهم هذاك اللي يضيع العلم من رأسه
ولا تجلس تحت ظل الشجر دام الشجر يباس
يجيك اللي يبي ناره تشب و يحتطب فاسه
تعلى فالجبال اللي تعز السبع و القرناس
يعزك فالجبل قرب السحاب و طيب نسناسه
ولا تنظر وراك وتلتفت في لجة الأجراس
تبعّد قبل تمرض من مريض الرأس وعطاسه
تسمع نغمة أفكارك ولا تنصت مع الوسواس
ترقب للحيا برق الغمام وبُعد مقباسه
ولو تلقى على ابواب المكارم و العدل حراس
ليا اعطاك الولي فك الك باب الخير حراسه
هبوب الشر تبدا في بدايتها من النسناس
يحليوها قليل المعرفة وتضيع بأنفاسه
ترى وجه الحقيقة ما يغيب ولا عليه لباس
مصير الكذب والكاذب يخيب ويعلن أفلاسه
ليا شفت البنا يبنى ويتعلى بليا ساس
ترى من مر في ظله يقفّي به توجاسه
تبعد لا تجي ظله ولو يفتح لك الترباس
مصيره ينهزم ويطيح مع بابه وترباسه
** **
- محمد بن معيوض البلاهدي