قطع قلبي صدى صوت الحنين وقسوة الترحال

وأخذ بعضي بحر عوج السنين وبعثر احزاني

عظيمة قوة الصبر.. وقوية دمعة الرجال

تحدر من سبب طفل بكى من يتم وابكاني

أنا القلب الجريح اللي تعبت وما شكيت الحال

مادام اللي جرحني راح من يتعب على شاني

وأنا اللي تهت في شمس الغرام وما لقيت ظلال

على رمضا الشقا حتى ظلال الغصن يجفاني

عطيتك قلبي الحاني سحابة والضلوع رمال

واخذت من العيون احلى المنام وناحت اجفاني

دخيل الشمس والبرد الضرير وضيقةٍ فالبال

ودخيل الحرف وابداع القصايد شعر واغاني

دخيل الكحل والسود النواعس والعطر والشال

إذا ما مرت الذكرى اببالك لا تناساني

بعد ماجابك الطاري بدا لي في سماك هلال

نسيت الناس وهروج العذول وجيت لك عاني

على شط البحر حزني يغني للبحر يا مال

أودع همي الاول يجيني همي الثاني

** **

- محمد الفالح