هلا بك داخلي تلعب على غصن الحشا وأسمع

لحونٍ حيل تتعبني وأترجم لك معانيها

يشدّه سحر من نورك يجي يمّك يجي يتبع

يبي يحيى على نورك حياته لا تطفّيها

أنا اللي محتوي ذاتي وذاتي محتويه أربع

غنج مع رقته مبسم لمع من شهد مرويها

تعالي ملمس الوردة وجمرٍ بالشذا مشبع

ندى من همسك الدافي ولونٍ مبتدي فيها

هنادي والدلع دايم يجي منّي لها منبع

أشيل الهاء وأرتبها حروف الحب أسمّيها

يضم لحونها معنى نثر ورد الغلا واجمع

من إحساسي من أشواقي ولا غيرك يغنّيها

هلا بك داخلي شمعه هلا بك داخلي مربع

حياتي في حياتك يا حياتي يا معانيها

** **

- سلطان العتيبي