يا رب تغفر لي ذنوبي وترحم

عبدك عليه ذنوب ما أحدٍ حصاها

إلا إنت ياللّي بكل الأسرار تعلم

يا عارف ذنوبي وعارف جزاها

بك ألتجي يارب لا أصير مجرم

بك أستعيذ من الذنوب ومداها

يا رب تكتبني على الطول مسلم

وتفكّني من زمهرير وعناها

نفسي الدنيّة كل لحظة تأثَّم

وعقلي يبيها ترتدع ما قواها

ما فيه غيرك ينتشلها من الهم

يا والي القدره على من ولاها

استغفرك من نفس عيّت تندّم

واستغفرك من عين دايم خطاها

واستغفرك من روح صارت تقدّم

يم الذنوب وما انثنت عن هواها

** **

- سعد الخريجي