علّموه إنه قدر يستعذب الدمع بعيوني

إن للرجَّال قوّه دوم حتى في دموع

علموه إنّي قوي بعزّتي وأيضاً طعوني

وان للرجال دمعه بس ما تعني خضوعه

لا يظن إنه بفعله قد قدر يخلف ظنوني

والله إني لي شموخ طويق وانكافة ربوعه

ولو تفاخر يوم عشانه قدر يملك شجوني

علموه إن الكريم إذا عطا هذي طبوعه

صح أنا في يوم غرّقته غلا واصبح فنوني

لين عرّفته رحيق الحب كيف يسد جوعه

وصح أنا في يوم علّيته وسمّيته عيوني

لين صار بكل درب يشوفني يشعل شموعه

وقام يتلذّذ بجرحي وانكسار الحلم دوني

وظن في باله غشيم الحب ابمشي له بطوعه

هو جرب حكمتي.. لكن ما مره جنوني

ولا درى عنه عزّة الرجَّال والنار بضلوعه

خلّه يجرب هبوبي بعد ما عاش بسكوني

والله إنه ليتحرّا الغيث ما أحرى في رجوعه

ادري انه منوته لو عاش لحظه في ظعوني

بس هذا الأمر أصعب حيل من تقبيل كوعه

** **

- نايف المطيري