الموضوعات الأكثر
يالله يلي كل خلقه ترتجيه
ياكافل أرزاق المخاليق أجمعين
يابانيٍ البيت الحرام ومحتميه
من إبرهه والفيل ومن الحاقدين
عبدك على وعدك ويرفع لك يديه
يدعوك يارحمن ياأكرم الكرمين
واللي صبر يرجو ما عندك ماعليه
ماهوب خايب يامعين الصابرين
يامن تعز اللي بعزك تحتويه
وتذل من تشا يارب العالمين
تجير من راسه من افكارٍ تجيه
غشاه شيبً في بدايات السنين
لانسان لو يقدر على مايشتهيه
ماتميّز الشّدة راع الضلع المتين
والعرف ماغير العوارف يهتويه
والطيب مايهواه غير الطيبين
من لا يعرف الصقر يمكن يشتويه
مايدري أن الصقر له سعرٍ ثمين
والنصح والإرشاد والعلم الوجيه
مصدر ذكا ويضمها قلب الفطين
والحكمه اللي جات من لفظٍ نزيه
عزالله أنها من صفات المؤمنين
من راس واحساس ومدى عقلٍ نبيه
مقولة الصالح لجمع الصالحين
لاتذكر إحسانك فيمن أحسنت إليه
وانسى المأسي من جميع المسلمين
هذي صفاةٍ جيلها ماله شبيه
جيل الصحابة والخلفاء الراشدين
والمصطفى صلى الله وسلم عليه
نبينا خاتم جميع المرسلي
** **
- سالم بن محمد بن وحير