كتب المحرر:

العتاب تعبير صادق، نمارسه مع من نحب رغبة باستمرار بقائه في حياتنا.. وجوده ضروري، وكثرته منفرة.. به نزيل ما علق بالنفس من ضيق في حق من يجب ألا نظهر أمامه أو معه إلا كما نضمر له في أنفسنا.. البوح به راحة، وتراكمه قد يُحدث فجوة وحاجزًا بيننا وبين أحبتنا.

يقول الأمير/ خالد الفيصل:

إلى منه جفاك اللي تودّه

ولا تدري وش الّلي عنك صدّه

تجرّع مالح العبرات واصبر

ترى كثر الشكاوي ما تردّه

وإلى من الّليالي عوّدت به

تغانم كل فايت واستردّه

حذاري تنشغل بعتاب خلّك

ترى كثر العتب يمحى المودّة

ويقول الأمير/ بدر بن عبد المحسن:

اخطيت واخطيت كافي عتاب

انطق بحكمي وريحني

يا صاحبي ما قطعت أرقاب

عدلٍ قصاصي وتذبحني

ولاني بعد أجمل الأصحاب

الأجمل إنك تسامحني

ويقول الحميدي الثقفي:

كيف اعاتبك كيف اعطيك فرصة جديدة

انت شوهت مفهوم العتاب بعتابك

كان لي فيك يا ما كان هقوه بعيدة

يجذبنّي حبال الصيف واتبع سرابك

اتعبتني مسافات الدروب العنيدة

لازم اسألك واتحمل فجيعة جوابك

ويقول حمد العصيمي:

البارحة قفلت باب الصدر في وجه العتاب

حتى كسرت بخاطر العيد وتجاهلت عتبه

بابٍ يجيب الريح سده واستريح ولا تهاب

وان هزت اقفاله عواصيف العتب لا تقربه

المشكلة لا هبت بك الريح وانت بدون باب

والصدر بيت اضلاعه الجدران والقلب عتبه

والنار تاكل فا الحطب والريح تنثر فا الزهاب

وانت الكسير اللي عيونه من زهابه لحطبه

ويقول عطاالله ممدوح:

يا رقيق المشاعر وين راح الحنان

ليه ما شلت قلبٍ طاح قدام عينك

الزمن هو زمانك والمكان المكان

وآخر الشعر كلمة تسألك عنك وينك