ما علينا.. ما علينا.. يا وطنّا

دامنا.. في ظل حكامٍ أسود

أبشر أبشر.. بالولد والروح حنّا

فدوةٍ لك.. كلنا لاجلك جنود

القلوب المرهفة.. ما يمنعنّا

مرضعين أولادنا حبك وزود

والشجاع اللي على حَدّك تغَنّى

بالولا.. والدم في صدره شهود

ما يهاب الموت.. صَدّ الشرّ عَنّا

في جنوبك سطّر أمجاد السعود

جند سلمان الحزم.. في كل ظَنّا

ضربهم فوق العدو.. برق ورعود

يمطر الامن السعودي.. في زمَنّا

في دروب التنمية.. زهر.. وورد

والشهادة.. هي مرام اللي تَمنّى

مرخصين أرواحهم دون الحدود

لين قلنا.. وش تبون اليوم مِنّا؟

قالوا.. ارتاحوا.. وخلوكم رقود

ما نبي غير الدُّعا بالنّصر وانّا

دونكم.. والدين والقايد.. نذود

يا فخرنا.. يوم كلّ ممتحنّا

مرخصين أرواحكم لأرض الجدود

والله إنّ الشعب كله مرجهنّا

لاذكرناكم ورانا.. بالوجود

والله إنّا والله إنّا والله إنّا

رافعين روسنا بآل السعود

** **

منيرة الحمد - تمير - سدير