غضب كل السنين اللي تجلت والدروب رماح

هجير تنتشي فيه المعاني لكل نوماسه

لك الله يا حبيبي كل ما لاح الهوى نواح

دروب الشك تقتلني اخذت من الحزن ساسه

سهرت ولا غفت عيني على دروب الرجا يا صاح

نضب كل القصيد بداخلي واعلنت افلاسه

لأنك تعرف اش تعني بكلمة دايمٍ لماح

هدمت السور ما عادت لنا في الفي مجلاسه

قتلني صمتك العاري شهد في مبسمي ذباح

وجيتك طفلةٍ تنطر وعد للعقد لباسه

تذكرني كثر ما استوطنت في داخلي اشباح

كثر ما عطرت ثوبي ليالي الحزن وانفاسه

دخيلك انطق بكلمة احبك عطرها لي فاح

يجدد كل ما فيني يروح الهم وعماسه

هجرت ولا بقى لي غير ذكرى حبنا اللي راح

وشمعة قايدة في داخلي تستحوذ احساسه

رقصت من الفرح ليل ٍ غزاه الصبح حتى اجتاح

واطلال الهوى الموعود ليلٍ شحت اوناسه

** **

‎الجفول - الكويت