ياعيالى اللي تفهمون الوصاتي

وصية اللي جرب الوقت تجريب

جربت من سمر الليال افتخاتي

مع مثلهن من بيض الأيام تقريب

يا كثر ما مارست أنا في حياتي

كم ليلةٍ يخطي بها الحظ ويصيب

وكم ليلةٍ راحت عليّه فواتي

وأنا بغفلة تطلع الشمس وتغيب

وتغيب ثم تطلع وانا بلهواتي

ما أذخر لباكر كود ما يذخر الذيب

ولا هو جزع مما جرى واشتماتي

الا اني اجعل عن هاك الوقت تعريب

ما حيٍّ الا مقتفيه المماتي

ولا شبٍ الا بعده العجز والشيب

ولا بد ما تقضي ليال الحياتي

أمرض واطيب وعقبه امرض ولا طيب

وخلان للساقه كثير التفاتي

قل الزهاب ولا بوجهي معازيب

ما عندى الا سيتي وحسناتي

لا زيد بالحسنة ولا انقص من العيب

يالله يا كاتب فروض الصلاتي

يا قابل التوبة من العبد ومجيب

تجعل لنا من باب جودك نجاتي

يالله يالي تعلم السر والغيب

** **

- محمد بن شبيب الحداري