جنون

حبني تكفى نخيتك.. حبني لابعد مدى

حبني وابشر بقلبٍ لا يمل ولا يخون

حبني يا عين ابوي وكل كلّي لك فدا

حبني يا سيد شعري حبني حب بجنون

* * *

كل الأحباب

أنا عذاب مدورين الشماتي

وأنا فرسك اللي الياغرت كساب

يا ردن ثوبي ياغطاي وعباتي

يا فارس احلامي ويا كل الاحباب

* * *

نقا

هو طيري اللي للنواميس هداد

وانا فتاة احلامه اللي هواها

على الشرف جاني وانا جيت وراد

وعلى النقا نفسي تبيه وبغاها

* * *

براءة

الله يا وقت الجهل، وقت الصبا، وقت المرح

يوم إني أبني بالخيال آمال وأحلام وطموح

براءة الأطفال تشرح كل صدرٍ ما انشرح

يوم النوايا صادقة للي يجي واللي يروح

** **

- الشاعرة الجفول