‏والله ما نذخر عن الطيّبة شي

اللي علينا والله إني لااسويه

ما ناخذ العالم على المحمل السي

وما كل من يسعى توفّق مساعيه

والآدمي ماهوب دايم وهو حي

أما اقتفاه الموت والا يلاقيه

الشهم من يطوي حبال الخطا طي

والخير والمعروف ما خاب راعيه

راع الردى ماحاش هذي ولا ذي

‏جعله يولي.. فوق راسه تردّيه

هذاك حد الشمس من بارد الفي

والشعر يفرق في صياغة معانيه

شعرٍ مع الغاوين في وادي الغي

وشعرٍ ينومس كل شخصٍ يغنيه

كم من قصيدة قلت يا ليتها لي

يوم أن بعض الشعر ماودي أوحيه

** **

صالح الناصر - الزلفي