الشاعر جزاء البقمي يُجسِّد غيرة الشاعر على ما يعتور مستوى الشعر من بعض الشعراء..

الشعر في تالي الزمن سوقه نزل

قاموا عليه أهل الفتن من كل صوب

الشعر تركيبة شعور مختزل

تصدق به الكلمة على لسان الكذوب!

الشعر ما هو بس بأغراض الغزل

الشعر له عدَّة مجالات ودروب

دامه رساله ساميه منذ الأزل

الواجب إنه ما يعرّض للعيوب

تكفون يا شعَّار ما نبغى هزل

نبغى القصيد اللي تفز إله القلوب

واللي على درب الجزاله لا يزل

لا صار غيره في نحا الهزله ينوب

والشاعر اللي ما يجي شعره جزل

يدخل على الله عن طواريقه يتوب

مسوِّين معروف فينا لا تزل

يسلم من المنقود وآثام الذنوب

** **

- جزاء البقمي