مجدك سحاب ووابلك عشق وأحباب

وانسام بيدك يا وطنا حرايب

والسيرة البيضا على الطيب تنساب

مثل الجَزر لا امتد.. عقب الهبايب!

قالوا وطن.. قلت: الوطن سيف وحزاب

دونه ظما قلوب تفك النشايب

أرضه سما.. طيبه هما! حب وإعجاب

والقلب في عشقه له.. سنين ذايب

حنا نموت بهالوطن..! دونه أرقاب

يوم الليالي العوج.. نهب وطلايب

والزمرة.. اللي يحسبون الوطن غاب!

هم ما دروا..! دونه رجال وسحايب

رعاد عزك يا وطن رمز أطناب

في وجه من راحت حياته.. نهايب!

والبارق اللي نوه اليوم سكاب

من فضل ربي.. ما حسب للخرايب

مجدك سحاب ووابلك عشق وأحباب

وانسام بيدك.. يا وطنا حرايب

** **

- عبدالرحمن بن محمد الفاضل