يالله عسى نوٍّ تنشا مسيان

يهل وبله من ثقال النصوبي

ويسقي الفياض الممحلة طول الازمان

اللي كلاها الدهر من كل صوبي

والعشب يكسيها له اشكال والوان

عقب السحاب اللي عليها صبوبي

بارضٍ لها قلبي من الشوق ولهان

أحبها واعمر عليها دروبي

واسج فيها عن همومي والاحزان

وعن موقعٍ كني عليه مغصوبي

واشب ضو الكيف في راس ما بان

واقنّد دلالي بكيفٍ جنوبي

كيفٍ يخلي ضايق البال طربان

ويبعد عن القلب المعنى الكروبي

هذا هواي وكل نفسٍ لها شان

والقلب من حب الخلا ما يتوبي

** **

- نواف محمد الصخابرة